“english only, pls.”: pilipino nga ba ang sumulat ng pelikulang ito?


english

Nakakapikon na talaga ang ipinapakitang “kayabangan” ng mga baguhang film artists ng bansang Pilipinas. Na para bang ang ugat na pinagmulan nila ay hindi sa Pilipinas, kundi si Amerika o Japan o Korea. Lagi na lamang nilang ipinapakita sa kanilang mga pelikula ang KAPANGITAN sa pag-uugali, asal o kinalakihan nang upbringing ng mga Pilipino. Na porke nakapag-aral lamang sila sa U.P. o sa anumang international na film schools, kayang-kaya na nilang laitin ang kanilang mga KALAHI. Na para lamang mapansin sa ibang bansa ang mga pelikula nila, bababuyin nila ang kanilang SARILING KAANYUAN. Hindi naman kayo ‘foreigner” sa sarili ninyong bansa para ipagmayabang pa sa lahat ng Pilipino ang mga hindi magandang aspeto ng inyong pagka-PILIPINO!

Ito ang naramdaman namin nu’ng panoorin namin ang pelikulang English Only, Pls. Sa titulo pa lang ng pelikula, sinasaad na ang tunay na tema ng pelikula. Na, tila ata, huwag mo daw mahalin ang sarili mong wika, ang sarili mong kalahi, ang sarili mong pamilya.

AT, IYAN ANG TINATAWAG NA “COLONIAL MENTALITY”.

Dahil diyan din tumakbo ang istorya at screenplay ng pelikula. Kung anu-anong “pagbaboy” sa lengguwaheng Pinoy ang naisip na isulat ng isang babaeng hindi mo malaman kung Pilipino ba talaga o ano? Mas inakap ng kanyang screenplay ang pagmamahal sa isang half-Filipino guy na sa ibang bansa naman lumaki, at ang pagsuporta at pagmamahal niya sa kanyang sariling pamilya ay tila kinuwestioyn pa niya. Kasi, siguro, perpekto siya at ubod ng talino, di ba? Pati ang pag-translate sa Tagalog na salita nu’ng sulat ng bidang lalaki ay “baboy” ang pagkakagawa! Hindi ‘yun ang tunay na mga salitang Tagalog! Mali ang pagkaka-translate nung bidang babae, ‘no?

Kung tutulong ka sa kapwa mo, huwag mo na iyong ipagmalaki pa. Dahil kaparte na sa buhay ng bawat Pilipino ang pagtulong at pagsuporta sa sarili niyang pamilya. IYAN ANG TUNAY NA PILIPINO at iyan ang ating kulturang kinagisnan. Bakit kailangang pintasan pa ito?

Ngayon, kung babae ka at tangang nagmahal sa isang lalaking sa simula pa man ay sinabi na sa iyong hindi pa siya sigurado kung mamahalin ka nga niya, ano’ng mali nung lalaki roon? Sapat na ba iyon upang mahalin mo na agad ang bagong lalaking nariyan sa tabi mo na hindi naman 100% na Pinoy. Para bang sinabi mo na sa kapwa mo Pinay na babae, tumalon ka na lang ng tumalon sa iba’t-ibang lalake! Which is wrong!

Bakit nanalong Best Screenplay pa ang pelikulang ito sa nagdaang Metro Manila Film Festival? Sobra na bang bumababa ang values natin sa buhay? At ang aktres na gumanap na bida sa pelikulang ito, napaka-flat ng mukha niya sa bawat eksena. Hindi kumukulubot! Parang ayaw niyang mag-open-up TOTALLY.

Buti pa si Isabel Oli, na iisa lang ang eksena sa pelikula, nagawang TAMA ang emosyon sa mukha niyang napakaganda. Kumulubot, nagbigay ng damdamin, nang-agaw ng eksena. Samantalang iyong babaeng bida, hayun, kay ganda-ganda ng acting piece niya habang nanonood kay Isabel at Derek Ramsey (ang bidang lalaki sa pelikula) ay hindi pa rin convincing ang acting. Nagmukha lamang siyang “luka-luka” sa eksenang iyon.

Malinaw na ipinakita lamang sa pelikula ang mga wrong values ng present-day Pinoys, na para sa amin ay mali. Hindi mo dapat kutyain o gawing katawa-tawa ang ating kinagisnang LAHI. Kung ayaw mo, doon ka na lang mamuhay ng tuluyan sa ibang bansa.

Kaya ang tingin na lamang ng mga banyaga sa mga Pilipino ay ganun-ganun na lang. Imbis na baligtarin nila ang magagandang aspeto sa pag-uugali ng isang Pinoy, ay pinapa-pangit pa nila. Sa bandang huli naman, iyan pa rin naman ang aakapin mo at makikita- dahil Pilipino ka pa rin.

Hindi naman kailangang “i-glorify” na masyado ang karakter na ginampanan dito ni Derek Ramsay. Nakapang-liliit sa mga Pilipinong lalaki na dito na lumaki at nabuhay ng matagal sa bansang Pilipinas.

Panalo lamang ang pelikulang ito dahil sa mga teknikal na aspeto. Oo, a movie is made to ENTERTAIN. But to entertain yourself out of ridiculing your OWN SELF in front of the mirror is CRAZINESS.

Hindi ka nga Pilipino kung gano’n?

 

“English Only Pls.”, rates ONE STAR (*) for this blogger.

 

(sinulat ni robert manuguid silverio)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s